Saman tek vi vare på ressursane
AA

Nyhende

Grovavfallshenting på Kvamsøy og Sandsøy

aug 28, 2026, 09:54 f.m. by Nina Sævik

grovavfallshenting øyane

8. og 9. september tek vi turen til øyane i ytre Sande for å hente med oss grovavfall, metall, øydelagde tekstilar, farleg avfall og EE-avfall.

 

Tid og stad

  • Kvamsøy: Tysdag 8. september kl. 12.45-18.30. Bilen står ved ferjekaia.
  • Sandsøy: Onsdag 9. september kl. 12.45-18.30. Bilen står ved Coop Marked Sandsøy.

Øydelagde tekstilar og klede

No kan du også ta med deg øydelagde tekstilar/klede ved grovavfallshenting. Dette er tekstilar som vi sender vidare til materialgjenvinning, og ikkje ombruk. 

Dei øydelagde tekstilane/kleda må vere:

  • reine og tørre (kan ha flekkar)
  • av ull, bomull, lin eller silke
  • pakka i ein gjennomsiktig pose

Desse tekstilane/kleda kan ikkje gjenvinnast og må kastast som restavfall:

  • Undertøy og sokkar
  • Syntetisk materiale som badeklede og treningstights 
  • Tekstilar med glitter og paljettar
  • Regntøy, fleece og softshell 
  • Tekstilar med fleire lag: yttertøy, vottar, dyner/puter
  • Klede med refleks
  • Sko, vesker, skinn og lêr
  • Klede som er våte, fuktige eller tilgrisa.
For å levere tekstilar gratis må posen vere rett sortert. Inneheld han tekstilar eller klede som høyrer heime i restavfallet, blir det teke betalt for posen. Minstesum er 70 kroner. Elles blir prisen rekna ut utifrå volum. Volumgebyret er 70 kroner per 0,1 kubikkmeter, 700 kroner per kubikkmeter.

 

Pris og betaling

  • Minstesummen for levering av grovavfall er 70 kroner. Elles blir prisen
    rekna ut utifrå volum: 70 kroner per 0,1 m³, 700 kroner per m³.
  • Det er gratis å levere metall.
  • Privatkundar kan levere EE-avfall og farleg avfall gratis.
  • Næringskundar betaler volumpris for EE-avfall og farleg avfall.
  • Ta gjerne med den raude boksen din med farleg avfall for å få den tømt. 

Betalinga skjer via kortautomat. Velkomen!