Hageavfall

Du kan levere hageavfall på miljøstasjonane våre i Saunesmarka, Myklebustmyrane og på Mjølstadneset. I sommarhalvåret kan du også nytte greinplassen på Eidet i Hareid kommune. Denne er døgnopen.

 

For privatpersonar

Dette kan du levere gratis:

• Gras, blad, greiner og stammar under 25 cm i diameter.

Dette må du betale for (kr 2,20 per kg):

• Røter, stammar over 25 cm i diameter og jord (aur, småstein, grus, sand og blanda hageavfall).

Merk: Hageavfall du må betale for skal leverast på miljøstasjonen, ikkje på greinplassen.

Har du svartelista planteartar, må desse leverast i eigen konteinar/dunk på miljøstasjonen eller på Eidet.

For næringskundar

Kjem du med firmabil, lastebil eller traktor, blir du definert som næringskunde, og må betale for alt hageavfall du leverer.

• Du kan betale med kort på miljøstasjonen.
• Ønskjer du faktura, må du ha med fullmakt. Dette må avtalast på førehand. Du treng ikkje fullmakt dersom du betalar med kort på staden.

Greinplassen på Eidet

Du kan levere hageavfall på miljøstasjonen i Saunesmarka heile året, men vi oppmodar til å bruke greinplassen i sommarhalvåret.

• Næringskundar kan bruke greinplassen etter avtale. Ta kontakt på telefon 90 95 57 81 eller e-post: bedrift@reinhaldsverket.no.

Greinplassen er ubemanna og basert på tillit. Ved misbruk, forsøpling eller manglande betaling, vil den bli avvikla.

Sjå her for oversikt over miljøstasjonane og opningstider.

Velkomen innom!