I dag har vi som jobbar på SSR sin miljøstasjon i Saunesmarka hatt ein dag litt utanom det vanlege.
Like før lunsj oppdaga ein tilsett at det kom røyk frå papirpressa vår, under pressing av papp. Den tilsette fekk kjapt lukka ei luke på pressa for å stenge av mest mogleg oksygentilførsel. Hadde ikkje det blitt gjort kunne flammane fort stått i taket i papirhallen. Brann var uansett eit faktum, og handlekraftige tilsette starta sløkkearbeidet før brannvesenet kom til og tok over.
Helsepersonell rykte ut og fekk sjekka alle involverte. Fem fekk i seg røyk, og ein av desse blei sendt til sjukehus for vidare oppfølging. Vedkomande har det etter forholda bra.
Det er ingen god følelse å få brann så tett på kroppen. Heldigvis, takk vere godt teamarbeid blant tilsette, brannvesen, ambulansepersonell og politi, fekk ikkje brannen alvorlege konsekvensar.
Alt er no sløkt, og det skal vere trygt i papirhallen vår igjen. No må vi undersøke papirbunten der brannen starta, men vi fryktar at syndaren er eit feilsortert batteri som kortslutta då det blei komprimert.
Takk til naudetatane og tilsette for godt lagarbeid!