13.–22. september er det tid for årets strandryddeveke.
Strandryddeveka er ein nasjonal dugnad som får folk frå heile landet til å gjere ein ekstra ryddeinnsats, til glede for nærmiljøet, naturen og seg sjølv.
Ryddeaksjonar er ein givande måte å halde naturen rein på. Det kan dessutan vere gøy og sosialt. Du kan rydde aleine eller saman med andre.
Fleire har planlagt ryddeaksjonar i området vårt, og det er ikkje for seint å hive seg rundt og bli med på dugnaden.
Tips til ein god ryddeaksjon:
- Finn ei strand, øy, elv, innsjø e.l. som er forsøpla og eignar seg for rydding.
- Ta med familie, vener, kollegaer, naboar eller andre som vil bidra.
- SSR deler ut gratis ryddeutstyr, både sekkar og hanskar, på alle miljøstasjonane. Treng du store mengder, ta kontakt på rydde@reinhaldsverket.no.
- Lever avfallet på ein av miljøstasjonane våre. Ta kontakt på rydde@reinhaldsverket.no dersom det er mykje avfall og vanskeleg å få levert sjølv. Då kan vi få ordna henting av avfallet.
Til store ryddeaksjonar kan SSR levere ut konteinar til oppsamling av strandryddesekkar og marint avfall. Dette må avtalast med oss i forkant av aksjonen, ta kontakt med oss på rydde@reinhaldsverket.no.
Du finn fleire tips til ein god ryddeaksjon her
Har du spørsmål? Send e-post til rydde@reinhaldsverket.no eller ring 70 00 70 50.
Og du, tusen takk for at du er med på å gjere området vårt endå litt finare!