aug 31, 2022, 09:12 f.m.
by
Søre Sunnmøre Reinhaldsverk
9. - 18. september er det tid for Strandryddeveka 2022.
Strandryddeveka er ein nasjonal dugnad som får folk frå heile landet til å gjere ein ekstra ryddeinnsats, til glede for nærmiljøet, naturen og deg sjølv.
I samarbeid med eigarkommunane våre, Hareid, Herøy, Sande og Ulstein, vil vi sette ut eigne strandryddekonteinarar frå 9. til 18. september. Desse er SSR-grøne, og merka med eit blått skilt der det står "Strandrydding" på. Gratis ryddesekkar og hanskar i fleire størrelsar kan du hente på din nærmaste miljøstasjon.
I tillegg kan du alltid levere inn avfall frå ryddeaksjonar på miljøstasjonane våre.
Her finn du strandryddekonteinaren i din kommune:
Hareid:
På parkeringsplassen mellom rådhuset og Sparebanken Møre.
Herøy:
Ytre: Indre almenningskai i Fosnavåg.
Indre: Myrvåg, ved bensinpumpene.
Sande:
På parkeringsplassen mellom rådhuset og gamlebanken på Larsnes.
Ulstein:
Ved Shell, på parkeringsplassen på nedsida av vegen.
Vi ber om at alle respekterer at det berre er avfall frå ryddeaksjonar som skal puttast i konteinarane. Dersom ordninga blir misbrukt, kan tilbodet bli avvikla.
Treng du å bli kvitt eige avfall, får du levere det meste på miljøstasjonane våre. Gjer du ein god sorteringsjobb i forkant, er mykje av det du som privatperson skal levere allereie vere inkludert i gebyret, til dømes farleg avfall, papp, plastemballasje, elektronikk og metall.
Har du spørsmål? Send til firmapost@reinhaldsverket.no eller ring 70 00 70 50.
Og du, tusen takk for at du er med på å gjere området vårt endå litt finare!