SSR vil takk alle frivillige som var med å rydde strender på Strandryddedagen og dei som var med og rydde nærområda våre fine til 17. mai!
Svært mange var engasjerte i år, og vi samla inn heile 11,6 tonn ryddeavfall mandag 8. mai! I tillegg har mange vore med å rydde tidlegare i år på ulike aksjonar. Til saman har innbyggjarane i kommunane Herøy, Sande, Ulstein og Hareid rydda omlag 17 tonn!
Vi trur at engasjementet vil halde seg oppe framover, og vi minner om at det er gratis å levere strandryddeavfall heile året. Sekkar og skjema får du på ein av våre miljøstasjonar eller på servicetorget i kommunen din.
Her er ei lita oppsummering av ryddeengasjementet hittil i år.
Frå Strandryddedagen på Dimna.
Frå Strandryddedagen på Remøya.
Frå Strandryddedagen på Eiksund.
I Brandal hadde dei statsrådbesøk av kulturminister Linda Hofstad Helleland. Her saman med ordførar i Hareid, Anders Riise.
Frå ryddeaksjonen "Før fuglane kjem" på Runde i mars.
Borna frå Bergsøy skule gjorde ein flott innsats i mars når dei rydda Bergsøya.
Hanne Marte Grimstad Sukka og dottera Sunniva rydda på ryddeaksjonen i Ulstein kommune i april.