Farleg avfall inneheld helse- og miljøskadelege stoff, og må difor ikkje blandast saman med anna type avfall. Farleg avfall er avfall som sjølv i små mengder kan gjere stor skade på menneske og dyr dersom det kjem ut i naturen.
Farleg avfall skal leverast til ein miljøstasjon. Her vidarebehandlar vi avfallet på ein trygg og miljøsikker måte. Det er gratis å levere inntil 1000 kg i året med farleg avfall for privat hushaldning.
Bur du på Kvamsøy eller Sandsøy, kan du levere farleg avfall i låst container ved Coop Marked. Nøkkel til container får du i butikken.
Vi har ikkje løyve til å ta imot sprengstoff, ammunisjon, ubrukt fyrverkeri eller nødraketter. Dette må du levere tilbake der du kjøpte det. Politiet har heller ikkje løyve til å ta imot slikt.