I papirdunken (blådunken) kan du ha både papp, papir og tome drikkekartongar. Pass på at papiret er reint og utan matrestar.
Restavfall i papiret øydelegg kvaliteten på resten av det innsamla papiret. Dersom du er usikker på om papiret høyrer heime i papirdunken, er det betre å kaste det i restavfallsdunken.
Skyl og tørk kartongane og merk dei med namn og nummer, og du er automatisk med i trekninga av store pengepremiar! Enkeltkartongar med namn og nummer kan gi ein gevinst på kr 10.000. Brettar du minst 6 kartongar og stappar dei inn i ein sjuande, kan du vinne den store premien på kr 100.000. Valet er ditt!